TIMI ASIMI Tasiilami aallartilluarpoq

Inuusuttunut suliniut TIMI ASIMI maannamut Nuummiinnaq ingerlanneqartarsimagaluartoq, maanna aamma Tasiilami ingerlanneqalerpoq. Aallartinneranilu iluatsitsilluarnissaq neriuuteqalersitseqaaq, Tasiilarmiunillu tikilluaqquneqaqaaq.

Tasiilami inuusuttut suliffissaaleqinerat qaffasissupilussuuvoq, taamaammat inuusuttutilinniagaqalersikkusullugit kajumissaarnissaat pisariaqarpoq. Tamanna TIMI ASIMI-pnukittuffiisa pingaarnerit ilagaat, inuusuttullu ilinniagaqarusulernissaannutiluaqutaalluartarluni.

TIMI ASIMI-p sapaatit akunnerinik 12-inik sivisussuseqartup peqataaffigineratigut inuusuttut Tasiilami Piareersarfimmi toqqaannartumik ilinnialersinnaanngussapput. Inuusuttut suliffissaaleqisut sapaatit akunneri 12-it atorlugit annertuumik timersortinneqassapput inuttullu ineriartornissamut suliakkiissutigineqartut piginnaaneqalersitsisussat atorlugit inuusuttut piumassusaannik kajumissusaannillu pitsanngorsaasoqarsinnaalluni.

Pitsaaliunermik suliaqarnerput TIMI ASIMI-p ingerlanneqarneranut ilaareerpoq, TIMI ASIMI-lu siullerpaamik Tasiilami politiit ikiortiterisimavai, taakkulu inuusuttut sapaatit akunneranut nalunaaquttap akunnerini pingasuni crossfittertillugit ikiussavaat. Suliniut taanna nuannaarutigeqaarput aamma Kalaallit Nunaanni Politiinit ilassilluarneqarpoq.

Suliniut Namminersorlutik Oqartussanit aningaasalersugaavoq, ingerlatsinermullu tunngasut suliassallu allat Nuummi Piareersarfiup Tasiilamilu Piareersarfiup suleqatigiillutik isumagissavaat.

                                          

TIMI ASIMI 4 aallartilerpoq

Nuannaarutigalugu nalunaarutigissavarput TIMI ASIMI 4 ukioq mannalu siulleq aallartilermat. Inussuttut 20-it aallartissapput, tallimanngorpallu pisortatigoortumik aallartissaagut. Tamanna pissaaq ALLERMI.

TIMI ASIMI nutarteqqilluni aallartissaaq. Nutaartarisussaavaa ingerlanneqarnera sivitsormat, tassalu 8. februar aallartikkutta aatsaat 14. juni naammassissaagut. Taamaasilluta suliavut ineriartortitassat minnerunngitsumillu Piorsaaviup suleqatigilernissaanut ikaarsaanissatsinnut pissanganartumut ineriartortitsinissarput piviusunngortissagatsigu. Taamaasilluni inussuttut periarfissaat annertusineqassaaq – inuusuttut pillugit.

 

TIMI ASIMI – HOLD 3 – 2012

 

 

 

 


Ilannguaq TIMI ASIMI ilinniartutsialattut toqqarneqarpoq

TIMI ASIMI siullersaalluni Ilannguaq Serubabelsen ilinniartutsialattut toqqarneqarpoq. TIMI ASIMI aallartinneraniit Ilannguup 14 kg sanigorluni naammassivoq! Torraqaaq nuanneqaaq asseqanngilaq. Ilannguaq inortunngisaanangajalluni peqataavoq imminullu kammalaatiminullu tunniusimalluartuuvoq ilakkuminartoq. Immikkut sanigorsarniarluta ingerlasimanngilagut aammalu nerisassat aalajangersimaqqissaartut nerisarisimanagit. Kisianni tassa Ilannguup sungiusarnermi 100%-imik tunniussisimasarsimanermigut tupinnaanavissumik angusaqarsimavoq. Akissarsiaraa ukioq ataaseq suleqatitsinnit FIT & FUN imit VIP kortimik tunineqarneq. Torrak sungiusarluarina:o) – Una asseq Kapisilinniit angallammik ilaasut saniani Avataq:o)

Scotland-imi “TIMI ASIMI”

Scotland-imi TIMI ASIMUT suliniut assingusoq uagutsinnut soqutiginnilluni saaffiginnissimavoq. Pissangalluta ataatsimeeqqatiginissaanut utaqqivagut. Takorloorneqarpoq ilinniartunik paarlaateqatigiittarnissaq minnerunngitsumillu misilittakatigut ilisimasanik immersueqatigiittarnissaq. Uani takuneqarsinnaapput: http://www.venturetrust.org.uk/